Esil university студенттері халықаралық пәндік олимпиада жеңімпазы атанды
Esil University «Менеджмент» мамандығының 2 курс студенттері Аман Омаров, Анастасия Ковалева және Гузаля Муталипова студенттер арасындағы халықаралық пәндік олимпиадаға қатысты. Аталған шара Абылай хан атындағы Қазақ халықаралық қатынастар және әлем тілдері университетінде өтті, – деп хабарлайды ҚР Ғылым және жоғары білім министрлігінің баспасөз қызметі.
Сайысқа Қазақстанның түкпір-түкпірінен және шетелден келген 39 студент, барлығы 13 команда өзара бақ сынасты. Esil University-нің намысын қорғаған «Бермуд үшбұрышы» командасы оза шауып, гран-при иеленді. Студенттердің жеңіс тұғырынан көрінуіне ғылыми жетекшілері профессор З.К. Есімханова және доцент Т.Б. Бирмағамбетовтың еңбегі зор. Олимпиада соңында қатысушыларға және ғылыми жетекшілерге алғыс хаттар табысталды.
