Торайғыров университеті: Students media forum – 2023
Торайғыров университетінде студенттерге арналған екі күндік республикалық медиафорум өтті. Екі күн ішінде еліміздің 20-ға жуық жоғары оқу орындарының студенттері бұқаралық ақпарат құралдары мен кәсіпкерлік өкілдерінің және тренерлердің тренингтеріне қатысты, – деп хабарлайды осы жоғары оқу орнының баспасөз қызметі.
– Торайғыров университеті медиасала үшін мамандар даярлау тұрғысында әрқашан үздік жоғары оқу орындарының бірі болды. «Атамекен» Ұлттық Кәсіпкерлер палатасының рейтингінде Қазақстанның барлық көпсалалы жоғары оқу орындарының ішінде біздің ЖОО үздік атанды, оның ішінде «Әлеуметтік ғылымдар, журналистика және ақпарат» бағыты бойынша үздік деп танылды. Біздің журналистика кафедрасы ең мықты кафедралардың бірі. Университетте өзіміздің медиа орталығымыз бар, онда біздің студенттер мен түлектер жұмыс істейді, – деп атап өтті жоо ректоры Еркін Садықов.
Спикерлер 2023 жылы БАҚ пен коммуникацияның өзекті трендтері, зиянды медиа әдеттер және оларды жою тәсілдері туралы, тәлімгерлік туралы, сондай-ақ көпшілік алдында сөйлеу және шешендік шеберліктің тәсілдері туралы әңгімеледі. Сонымен қатар, SMF аясында «ToU Arbat» шарасы өтті. Оның бағдарламасында жанды музыка фестивалі, түрлі сатылым, КВН, студенттік филармонияның театрландырылған қойылымдары, ұтыс ойыны, дискотека және тағы да басқалар болды.
Студенттерден жаңа таныстықтар, желілер және әлеуметтік желілердегі керемет ынтымақтастық мүмкіндігі күтілді. Сондай-ақ, форум алаңында экологиялық акция өтті. ЖОО аумағында ағаш отырғызылды
