“Серпін” бағдарламасы: Жамбыл облысының мектеп бітіруші түлектеріне түсіндіру жұмыстары жүргізілді
Дулати университетінде өткен кездесуге Ғылым және жоғары білім министрлігі, ҰТО-ның өкілдері және «Серпін» бағдарламасы бойынша грант ұсынатын 18 университеттің оқытушылары қатысты, – деп хабарлайды ҚР Ғылым және жоғары білім министрлігінің баспасөз қызметі.
Жиында жобаға қатысты маңызды сұрақтарға оқу орындарының өкілдері нақты жауап берді. Айта кетейік, «Серпін» бағдарламасының негізгі мақсаты Оңтүстік өңіріндегі жастарды еңбек күші аз Солтүстік аймақтарға тарту. Алдағы уақытта талапкерлерге ақпараттық-түсіндіру жұмыстары Түркістан және Қызылорда облыстарында жалғасын таппақ.
