Шығыс Қазақстан облысы: Ерекше білім беру қажеттіліктері бар балаларға қамқорлық күшейді
Жергілікті атқарушы органдардың қабылдап жатқан шараларының арқасында ерекше білім беру қажеттіліктері бар және 0-ден 18 жасқа дейінгі дамуында кемістігі бар 10 896 бала үшін оларды тексеруді, оңалтуды, оқыту мен тәрбиелеуді қамтамасыз ету үшін жағдайлар жасалды, қолжетімді орта мен оқу-материалдық жарақтандырудың жай-күйі жақсаруда, – деп хабарлайды Шығыс Қазақстан облыстық білім басқармасының баспасөз қызметі.
Бүгінгі таңда арнайы бағдарлама бойынша арнайы білім беру ұйымдарында және үйде жеке бағдарлама бойынша 1880 бала білім алуда, психологиялық-педагогикалық түзету кабинеттерінде, оңалту орталығында, аутизм орталығында және “Страна Чудес” жеке мектебінде 866 бала түзету – дамытушылық қолдау алуда. Ерекше білім беру қажеттіліктері бар 6714 бала жалпы білім беретін балабақшаларда, мектептерде, колледждерде инклюзивті оқытылады, 885 бала арнайы сыныптарда оқиды.
Мектептерде 51 инклюзияны қолдау кабинеті (3 мектепке дейінгі мекемеде), оның ішінде № 15, 17, 26, 36, 39 АСД бар балаларды оқытуда тірек мектептер, № 19 – көру қабілеті нашар (көру қабілеті нашар және зағип) балаларды оқытуда жұмыс істейді. Инклюзивті практиканы іске асыратын педагогтардың, арнайы педагогтардың, психологтардың, емдік дене шынықтыру нұсқаушыларының біліктілігін арттыру бойынша жұмыс жалғасуда, мұғалімдердің 46% (2638) тиісті курстардан өтті, ал 2025 жылға дейін тағы 3121 педагог біліктілігін арттырудан өтеді.
Қабылданған шаралар балалардың 96,7% – білім беру, түзету және әлеуметтік қызметтердің әртүрлі түрлерімен қамтуға мүмкіндік берді. Жаңа 2023-2024 оқу жылында кезектілікті қысқарту үшін Өскемен қаласында тағы 1 ПМПК ашу жоспарлануда (50 мың балаға 1), балаларды ерте түзету қолдауымен қамту үшін Өскемен қаласындағы №36 жалпы орта мектеп негізінде инклюзияны қолдау кабинетін, психологиялық-педагогикалық түзету кабинетін Тарбағатай ауданы Ақжар ауылында ашу жоспарлануда. Сондай-ақ, 2024-2025 жылдары Самар және Алтай аудандарында психологиялық-педагогикалық түзету кабинеттерін ашу жоспарлануда.
Загрузка...
