Оқу жылының ұзақтығы бұрынғы қалпына келуіне орай түбегейлі өзгерістер болмайды
Педагогтер мен ата-аналардың назарына. Оқу жылының ұзақтығы бұрынғы қалпына келуіне орай түбегейлі өзгерістер болмайтының хабарлаймыз. Жұмыс аптасының ұзақтығы бес күн болып қалады. Мектептер Министрдің 2020 жылғы 21 сәуірдегі №153 бұйрығын басшылыққа алуы тиіс.
Барлық білім беру ұйымдары бұрынғыдай штаттық тәртіпте жұмыс жасайды. Білім беру ұйымдарының әкімшілігі сабақ кестесін, календарлық жоспарларын және сағаттарды бөлуде әдеттегідей өздері жауапты. Қазіргі уақытта оқу жылының ұзақтығы туралы бұйрық келісуге жолданды. Алдағы уақытта бекітіледі. Осы бұйрықта 34-апталық оқу жылы 1 қыркүйектен басталып, 25 мамырда аяқталатыны нақты көрсетіледі.
