Әбілқас Сағынов атындағы Қарағанды техникалық университетіндегі CATERPILLAR Foundation және Borusan Makina Kazakhstan өкілдерімен кездесу
Әбілқас Сағынов атындағы Қарағанды техникалық университетінде CATERPILLAR Foundation және Borusan Makina Kazakhstan өкілдерімен кездесу өтті. Кездесу барысында басқарма төрағасы-Ректор Марат Ибатов жоғары білікті мамандарды бірлесіп даярлау және экономиканың нақты секторлары үшін ғылыми зерттеулер жүргізу аясында Білім, ғылым, өндіріс және бизнесті интеграциялау қажеттігін атап өтті.
Өз кезегінде Caterpillar Foundation Президенті Asha Varghese және Caterpillar Central Asia бас директоры Азамат Шимгамбаев қоғамның тұрақты дамуы үшін қажетті адами, табиғи және базалық қызметтерді өзара толықтыратын инфрақұрылымын құруға назар аударды. Қазақстан Республикасы Президенті Қ. Тоқаевтың Жолдауында «Металдарды терең өңдеу, мұнай, газ және көмір химиясы, ауыр машина жасау, уранды конверсиялау және байыту, автокомпоненттер мен тыңайтқыштар өндіру сияқты бағыттарға назар аударған жөн. Басқаша айтқанда, жоғары қайта бөлу кластерлерін жасау керек», – атап өтілген,
Университет бұл міндетті әлемдік деңгейдегі жетекші өнеркәсіптік ұйымдармен өзара іс-қимыл негізінде жүзеге асырады. Caterpillar Foundation Президенті Asha Varghese Қарағанды өңірі мен Қазақстанның экономикалық дамуына бағытталған тау-кен өнеркәсібі, машина жасау, металлургия, энергетика, IT саласындағы ғалымдардың табысты ғылыми жобаларын атап өтті.
Кездесу соңында Caterpillar Foundation және Borusan Makina Kazakhstan өкілдері үшін «Көліктегі цифрлық технологиялар» ғылыми-білім беру кешеніне, «Тау-кен-шахта жабдықтары» оқу полигонына, «Тау-кен металлургия кешеніндегі метан энергетикасы» сынақ зертханасына барып, университет кампусы бойынша экскурсия жасалды. Кездесу қорытындысы бойынша өзара ынтымақтастық дамуының негізгі бағыттары талқыланды.
