Нағыз діншіл адам спортпен шұғылдануы керек

Ислам адамның рухани және дене шынығу қасиеттерін дамытатын спортты насихаттайды. Әрине, кейбір шектеулері де бар. Исламда харам болып есептелетін денсаулыққа зиян келтіретін спорт түрлеріне, сондай-ақ парақорлыққа, допингке және жойқын жанкүйерлер тарапынан агрессияға тыйым салынады. Атап айтқанда, кәсіпқой боксқа қолдау көрсетілмейді.

Әрине, жабдықтың белгілі бір түрі мен ережелерін ескере отырып, барлық ерлер мен әйелдер спорттың көп түрімен айналыса алады.

Осылайша, Алматының орталық мешітінде Раби әл-Ахир (Ислам күнтізбесінің төртінші айы) діни мерекесіне орай, әр түрлі спорт түрлерінен жамағат арасында жарыстар өткізілді.

Жарыста – «Асық ату», қол күресі, «Қошқар көтеру», гір көтеру, арқан тарту және «Қазақ шахматы» – «тоғыз құмалақ» ойындары болды.

Жеңімпаздар бағалы сыйлықтармен марапатталды – микротолқынды пеш, жайнамаз, қабырғаға ілінетін белтемір және басқа да пайдалы спорттық керек-жарақтар.

Жамағатқа палау тартылды, ал балалар аниматорлардың епті бақылауымен аттракциондары бар ойын алаңында көңіл көтерді.

Белгілі дінтанушылар Айбар Қойшыбай мен Қуаныш Әбішев тыңдаушыларға қазақ халқының дәстүрлі құндылықтарының, Қазақстан Республикасындағы мұсылмандардың басым бөлігі ұстанатын сүннизмнің төрт мазһабының бірі Ханафи мазһабын және оның мәнін, дін саласындағы мемлекеттік саясатын түсіндірді.

Өздеріңіз білесіздер, біздің мемлекет зайырлы мемлекет және отандастардың 70 пайызға жуығы ислам дінін ұстанғанымен, ешбір діннің басқалардан артықшылығы жоқ.

Алматы қалалық Дін істері жөніндегі басқармасының тапсырысы бойынша өткен діндарлар арасындағы жарыстың ұйымдастырушысы «Nomad Leader» ЖШС болды.

Фото: ТОО “Nomad Leader”