Батыс Қазақстан облысы: ұлттық пікірсайыс турнирінде оралдық оқушылар үш лига бойынша жеңімпаз атанды

Тәуелсіздік күніне орай, Ұлттық пікірсайыс турнирінің облыстық кезеңі өтті. Турнир қорытындысында қазақ, орыс, ағылшын лигалары бойынша Орал қаласының пікірсайысшы оқушылары жеңімпаз атанды. 9-11 сынып оқушылары арасындағы турнир 9 желтоқсан күні №47 ЖОББМ базасында ұйымдастырылып, 10 аудан, 5 облыстық мектеп, Назарбаев зияткерлік мектебі және Орал қаласы мектептерінен жалпы қазақ лигасы бойынша 17 фракция, орыс лигасы бойынша 12 фракция, ағылшын лигасы бойынша 7 фракция, барлығы 72 оқушы қатысты.

Турнирдің мақсаты — өскелең ұрпақтың патриотизм, азаматтық ұстанымдарын қалыптастыру, жауапкершілік, туған өлке мен елдің мәселелерін талқылауға және шешуге ынталандыру, облысымыздағы пікірсайыс қозғалысын дамыту, насихаттау және қолдау. Турнирдің қорытындысында әр лиганың жүлдегерлері мен үздік ойыншылары анықталды.

Қазақ лигасы; I орын – Орал қаласы №41 мектеп-лицейінің «ASCII» фракциясы; II орын – Шыңғырлау ауданы Л. Қылышев атындағы жалпы орта білім беретін мектебінің «Жеті Жарғы» фракциясы; III орын – Бәйтерек ауданы Абай мектеп-гимназия-интернатының «Алаш» фракциясы. Номинация иегерлері: «Үздік талпыныс» —Орал қаласы физика-математика бағытындағы НЗМ-нің «Зияткер» фракциясы; «Үздік спикер» — Бөрлі ауданы Ақсай қаласының №3 ЖОББМ мектебінің оқушысы Уалиханова Жансулу; «Үздік төреші» —Букенбаева Сымбат Темирхановна.

Орыс лигасы: I орын – Орал қаласы №35 мектеп-лицейінің «Олимп» фракциясы; II орын – Бөрлі ауданы Ақсай қаласының №3 ЖОББМ «Одаренные» фракциясы; III орын – Теректі ауданы №1 Федоровка жалпы орта білім беретін мектебінің «Зерде» фракциясы. Номинация иегерлері: «Үздік талпыныс» — Сырым ауданы Аралтөбе орта мектебінің «Хантәңірі» фракциясы; «Үздік спикер» — Орал қаласы №35 мектеп-лицейінің оқушысы Муханжан Динмухаммед; «Үздік төреші» —Игизғали Инабат Талғатқызы.

Ағылшын лигасы: I орын – Орал қаласы Оқушылар сарайының «OS Leaders» фракциясы; II орын – Дарынды балаларға арналған С.Сейфуллин атындағы №11 облыстық мамандандырылған мектеп-лицей-интернатының «Zhebe» фракциясы; III орын – Облыстық дарынды балаларға арналған мамандандырылған «Білім-инновация» мектеп-лицей-интернатының «БІЛІМ-ИННОВАЦИЯ» фракциясы.

Номинация иегерлері: «Үздік талпыныс» — Бөрлі ауданы Ақсай қаласының №5 ЖОББМ «People from the west» фракциясы; «Үздік спикер» — Дарынды балаларға арналған С. Сейфуллин атындағы №11 облыстық мамандандырылған мектеп-лицей-интернатының оқушысы Галимова Айнара; «Үздік төреші» — Базармаганбет Молдир Жумабайқызы.