«Құрметті мұнайшы Қазақстанның алтын шежіресінде»

Ағымдағы жылдың 23 ақпанында Есенов университетінде ардагер, құрметті жер қойнауын барлаушы, ҚР Энергетика министрлігінің үздігі А.Н. Лифаренкомен кездесу өтті.  Бұл шараның ұйымдастырушысы – «Қазақстан халқы Ассамблеясы» кафедрасы. Кездесуге мұнай өнеркәсібінің және Маңғыстау облысы этномәдени бірлестіктерінің өкілдері, Есенов университетінің профессорлық-оқытушылар құрамы мен студенттері қатысты.

Академиялық жұмыс жөніндегі вице-президенті Қ.Қ.Макулов, Т.Г.Шевченко атындағы украин этномәдени бірлестігінің төрағасы О.Ю.Белоножкина  алғы сөз сөйледі.

Маңғыстау облысындағы геологиялық барлау қызметінің дамуы туралы геология-минералогия ғылымдарының кандидаты,  «Геология» кафедрасының доценті Г.В. Тарасенко баяндама жасады.

Сонымен қатар, студенттер Украина этномәдени бірлестігінің тарихи тұлғасымен және мұнай-газ өндірісінің үздік маманымен жеке кездесіп, өз сұрақтарын қойып, геология саласындағы кәсіби қызметін дамыту үшін бірқатар нұсқаулар мен кеңестер алудың бірегей мүмкіндігіне ие болды.