«ӘНШУАҚ» ҚАЗАҚ ТІЛІНДЕГІ БАЛАЛАР ӘНДЕРІ ФЕСТИВАЛІ TIKTOK ӘЛЕУМЕТТІК ЖЕЛІСІНДЕ 12 МИЛЛИОНҒА ЖУЫҚ ҚАРАЛЫМ ЖИНАДЫ
TikTok әлеуметтік желісінде нағыз музыкалық ертегісі «ӘНШУАҚ» қазақ тіліндегі балалар әндерінің фестивалі белес алуда.
Биыл елімізде алғаш рет Халықаралық балаларды қорғау күніне арналған «Әншуақ» балалар әндерінің фестивалі өтуде. Оның бірегейлігі – ол дәстүрлі тарихи, рухани, мәдени құндылықтар негізінде өскелең ұрпақты тұрақты адамгершілік сенімдерге тәрбиелеуге бағытталған.
Ағымдағы жылдың 1 ақпанынан бастап ӘНШУАҚ хэштегімен 13 мыңнан астам бейне жарияланым және 12 миллионға жуық қаралым жиналды. Бұл жай ғана музыкалық таланттар челленджі емес – бұл мәдениеттің, балалық шақтың және шабыттың нағыз мерекесі.
Фестиваль аясында бүкіл республиканың әрбір елді мекенінде танымал композиторлармен кездесулер өткізіледі, онда жас орындаушылар өз идеяларымен бөлісуге, шығармашылық үрдістің құпияларын білуге, кәсіпқойлардың жетекшілігімен өз әлеуеттерін ашуға және болашақ өнер көрсетулері үшін жаңа идеялармен қуатталуға мүмкіндік алады. Сынып сағаттары, вокалдық, музыкалық көркемдеу және қазақ халық аспаптарында ойнау бойынша шеберлік сыныптары шығармашылық қабілеттерді дамыту және өзін-өзі көрсету үшін өзіндік алаңға айналады
Республикалық қазылар алқасы қазақ тіліндегі ең танымал 20 балалар әнін анықтады: «Отан», «Ұстазым», «Аяулы ана», «Оқып, біліп үйренеміз» «Мен қазақтың қызымын», «Ана деп ән саламын», «Біз Отанның ұланымыз», «Тәуелсіз ел ұраны», «Ата әже», «Бірлігіміз жарасқандай», «Керек бізге тыныштық», «Үш бақытым», «Бірліктің туы», «Тәтті», «Қазақстаным», «Туған ел» «Домбыра», «Алақай», «Егемен ел – Қазақстан», «Ертегілер». 1 маусымда еліміздің әр өңірінде осы танымал әндерді орындайтын Open Air форматындағы концерттер өткізіледі.
«ӘНШУАҚ» қазақ тіліндегі балалар әндері фестивалі – бұл жай ғана оқиға емес, бұл бәріміз үшін шабыт көзі, әрқайсымызда әлеммен бөлісуге тұрарлық таңғажайып нәрсе бар екенін еске салады.
