Жетісу облысы: “Бала тілі – бал” байқауы ұйымдастырылды

Ұлттың сақталуына да, жоғалуына да себеп болатын нәрсенің қуаттысы – тіл” деп ұлағатты сөз қалдырған, қазақ халқының тағдыры, тілі үшін күрескен ұлт ұстазы Ахмет Байтұрсынұлының туған күні қарсаңында, қазақ халқының тілдер мерекесіне орай қалалық балабақашалар арасында этнос өкілдерінің қатысуымен «Бала тілі – бал» байқауы №14 «Айбөбек» бөбекжай-бақшасы базасында өте жоғары дәрежеде ұйымдастырылды.

Байқауға Талдықорған қаласының «№4 ясли-бақшасы», «№5 ясли-бақшасы», «№7 бөбекжай-бақшасы», №14 «Айбөбек» бөбекжай-бақшасы» іріктелініп алынды. Қатысушы бүлдіршіндер өздерінің мемлекеттік тілге, елге деген сүйіспеншіліктерін көрсетіп, тіл байлығын, мемлекеттік тілде еркін сөйлеу шеберліктерін көрсете білді. Байқау соңында жеңімпаздар анықталып, жүлделі арнайы дипломдармен және сыйлықтармен марапатталды.