Жамбыл облысы: “Ахмет – ұлт ұстазы” фильмінің шығармашылық тобымен кездесу
«Ахмет-ұлт ұстазы» фильмінің шығармашылық тобымен «Ел-бүгіншіл, менікі-ертең үшін» тақырыбында кездесу ұйымдастырылды. Қазақстан Республикасы еңбек сіңірген қайраткері, «Дарын» мемлекеттік жастар сыйлығының лауреаты, белгілі актер Байғали Есенәлиев пен аталған фильмнің режиссері – Мұрат Есжан өз тәжірибелерімен бөлісті, – деп хабарлайды Жамбыл облыстық білім басқармасының баспасөз қызметі.
Кездесуге тәжірибелі педагогтер мен түрлі кәсіби шығармашылық конкурстардың жеңімпаздары, қазақ тілі мен әдебиеті пәнінің мұғалімдері қатысты. Педагогтер кездесу қонақтарына көкейлеріндегі сұрақтарын қойып, біраз сауалдарына жауап алды. Сондай-ақ, аталған фильмнің түсірілім барысымен, актерларды таңдаудағы талаптармен, фильм жасаушылардың ұлт ұстазының бейнесін жасаудағы тәжірибесімен танысты.
