«Педагогикалық идеялар панорамасы-2024» байқауының өңірлік кезеңіне 4000-нан астам педагог қатысты

«Педагогикалық идеялар панорамасы-2024» бейнесабақтар мен бейнедәрістер республикалық байқауының облыстық кезеңіне қатысуға өтінімдерді қабылдау аяқталды.

Мектепке дейінгі, орта, қосымша, техникалық және кәсіптік, орта білімнен кейінгі және жоғары білім беру ұйымдарының педагогтеріне арналған «Педагогикалық идеялар панорамасы» республикалық байқауы 2018 жылдан бері өткізіліп келеді. Өңірлік кезеңге 4924 педагог қатысты.

Байқаудың мақсаты – Қазақстанның виртуалды білім беру кеңістігіндегі авторлық бейнересурстар банкін толықтыру, заманауи педагогикалық тәжірибе мен ұстаздар арасындағы озық тәжірибелерді жалпыға тарату және насихаттау.

Айта кетейік, байқаудың республикалық кезеңінің қорытындысы желтоқсан айында белгілі болады.

«Өрлеу» Біліктілікті арттыру ұлттық орталығының баспасөз қызметі