Қостанай облысының студенті Қытай Халық Республикасындағы кәсіби шеберлік байқауының күміс жүлдегері атанды
2024 жылғы 1 қарашада Рудный политехникалық колледжінің студенті Корякин Артем Қытай Халық Республикасындағы Шэньси технологиялық университетінде өткен (Shaanxi Shangpinshuren Education & Technology Co. Ltd) кәсіби дағдыларды дамытуға және білім беру саласындағы халықаралық ынтымақтастықты нығайтуға бағытталған байқауда екінші орынға ие болды.
Байқау «Колледждерге арналған ERG» жобасы аясында өтті. Мұндай іс-шараға қатысу студенттерге өз білімдерін кеңейтуге, басқа елдердің әріптестерімен тәжірибе алмасуға және өзекті сұранысқа ие кәсіптерде өз дағдыларын көрсетуге мүмкіндік береді.
“Бұл мен үшін ерекше жетістік. Мен өз облысымды және елімді абыроймен таныстырғаныма қуаныштымын!”
Айта кету керек, 2024 жылғы 27 қазан мен 4 қараша аралығында Шэньси технологиялық университетінде “Колледждерге арналған ERG” жобасы аясында Рудный политехникалық колледжінің арнайы пәндер оқытушысы – Шинкевич Светлана Александровна, Жітіқара политехникалық колледжінің оқытушысы – Исмурзинов Тимур Серикович, Лисаков техникалық колледжінің оқытушысы – Горбанева Ирина Юрьевна және Білім басқармасының ТжКБ бөлімінің бас маманы – Коваленко Анастасия Александровна халықаралық тағылымдамадан өтті.
