Қыздар педагогикалық университетіне – 80 жыл! Киелі шаңырағыма мың алғыс
Мен осы жоғары оқу оқу орнындағы математика кафедрасының 2013 жылғы бакалавр, 2015 жыл магистратура бойынша түлегімін. Еңбек жолымды Алматы қаласындағы №53 мектеп-гимназиясында бастап, қазіргі уақытта Алматы қаласы химия-биология атындағы Назарбаев зияткерлік мектебінде математика пәні мұғалімі қызметін жалғастырудамын.
Педагогикалық және математикадан университетте алған білімімді болашақ ұрпақтарды дайындау мен тәрбиелеуде қолданумен қатар, оң нәтижелі жетістіктерге ұласып жатыр. Digital Ustaz Almaty -2021 жылының үздік 30 финалисті атандым, қазіргі уақытта Edpuzzle білім беру платформасының Орталық Азиядағы амбассадоры атандым. ҚР Педагогтер одағының «Үздік ұстаз» төс белгісінің иегерімін. Алматы қаласы химия-биология бағытындағы Назарбаев зияткерлік мектебінде он жыл жұмыс жасап, қазіргі уақытта Shoqan academy математика пәні мұғалімдерін қайта даярлау курстарының тренерімін.
Математика пәні мұғалімдерін цифрлық технологияларды үйрету мен функционалдық сауаттылықты оқыту бағдарламаларының авторы және республикалық байқаулардың жүлдегері болдым. Педагогикалық тәжірибемдегі оқушыларымның қалалық (Жас әл-Фараби ғылыми жобалар байқауы І және ІІ орындар), республикалық (Қожа-Ахмет Яссауи атындағы байқаулар І және ІІІ орындар) және халықаралық деңгейдегі (Mathematics without borders олимпиадасы І, ІІ орындар) жүлделі орындары мен ыстық ықыласы әрбір педагог үшін кәсіби жетістік деп білемін.
Осыған орай, түлеп ұшқан білім мен ғылым ордасы, мұғалімдік мамандығымның нық іргетасын қалауға мүмкіндік пен орта қалыптастырған киелі шаңырағыма – Қазақ ұлттық қыздар педагогикалық университетінің математика кафедрасына алғысымды білдіргім келеді.
Гулсум Омаровна ТАУКЕБАЕВА,
Алматы қаласындағы химия-биология
бағытындағы Назарбаев зияткерлік
мектебі, Қазақ ұлттық қыздар педагогикалық
университетінің 2013 жылғы бакалавр, 2015 жыл
магистратура бойынша түлегі
