АБАЙ ОБЛЫСЫ СТУДЕНТТЕРІ РЕСПУБЛИКАЛЫҚ КӘСІБИ ШЕБЕРЛІК ЧЕМПИОНАТЫНДА БАҚ СЫНАЙДЫ

Астанада «WorldSkills Kazakhstan – 2024» IX Республикалық кәсіби шеберлік чемпионаты басталды. Чемпионаттың ашылу рәсімі Экспо көрме залында өтті. Жарысқа 22 жасқа дейінгі 555 студент қатысады.

Чемпионаттың мақсаты – жұмысшы кәсіптерінің беделін арттыру, үздік тәжірибелер мен кәсіби стандарттарды енгізу, техникалық және кәсіптік білім беру жүйесінде сараптамалық қоғамдастықты дамыту.

Бес күн өтетін сайысқа Қазақстанның түкпір-түкпірінен келген жас мамандар 30 құзыреттілік бойынша өз дағдылары мен кәсіби шеберліктерін көрсетеді. Абай облысынан сегіз колледжден 32 студент, 30 сарапшы аттанды.

Айта кетейік, «WorldSkills Kazakhstan-2023» VIII республикалық чемпионатында командалық есепте 30 құзырет бойынша 6 алтын, 2 күміс, 3 қола медаль, 12 медальон жеңіп алған Абай облысының командасы көш бастады.

Абай облысы ББ баспасөз қызметі