Солтүстік Қазақстан облысы: Әскери-патриоттық тәрбие бойынша конференция
«Жас батыр» әскери-патриоттық клубының базасында «Педагогикалық ұжымдардың жастарды әскери-патриоттық тәрбиелеу сапасын арттыру бойынша жұмысы» тақырыбындағы облыстық ғылыми-әдістемелік конференция онлайн және офлайн түрінде ұйымдастырылды. Шараға педагог-ұйымдастырушылар, алғашқы әскери-технологиялық дайындық пәні мұғалімдері-ұйымдастырушылар бірлестігінің төрағалары, сондай-ақ аудандық «Жас сарбаз» қоғамдық бірлестіктерінің төрағалары қатысты, – деп хабарлайды Солтүстік Қазақстан облыстық білім басқармасының баспасөз қызметі.
Конференцияда сөз сөйлегендер: Кириченко Александр Иванович – доцент (доцент), Қазақстан Республикасы Әскери ғылымдар академиясының корреспондент-мүшесі, запастағы полковник, М.Қозыбаев атындағы Солтүстік Қазақстан университетіндегі әскери кафедраның аға оқытушысы; Шитов Артем Александрович – «Дене шынықтыру және спорт» кафедрасының меңгерушісі, магистр, М.Қозыбаев атындағы Солтүстік Қазақстан университетінің аға оқытушысы.
Загрузка...Кишман Сергей Николаевич – Петропавл қалалық қорғаныс істері басқармасының бастығы, полковник; Жәлелов Асқар Кенжебекұлы – Қазақстан Республикасы Ішкі істер министрлігі Ұлттық ұлан академиясының курсанты. Конференцияда өңірдегі жастарды әскери-патриоттық тәрбиелеудің өзекті мәселелері талқыланды. Және қорытындысы бойынша ұсыныстар әзірленіп, ұзақ мерзімді бірлескен жоспарлар белгіленді.
