IV Халықаралық Фараби форумы аясындағы Республикалық байқау мәресіне жетті
Әл-Фараби атындағы Қазақ ұлттық университеті Философия және саясаттану факультеті дәстүрлі IV Халықаралық Фараби форумы аясында 8-11 сынып оқушылары мен колледж студенттерінің арасында 5-28 наурыз, 2025 жылы ұйымдастырған Әбу Насыр әл-Фараби мұрасы бойынша «Ең үздік ғылыми жоба» республикалық байқауы мәресіне жетті.
Байқауға мектеп оқушылары мен колледж студенттерінің Әл-Фараби философиясындағы адамгершілік пен этика мәселелері, Әл-Фараби еңбектеріндегі логика және оның қазіргі білім саласында қолданылуы тақырыптарында ғылыми жобалар келіп түсті. Бірінші орын Алматы облысы, Жамбыл ауданы, Қарғалы ауылы Қ. Әбсәметов атындағы орта мектептің 9 сынып оқушысы Молдабекова Ажардың «Әл-Фарабидің гуманистік идеяларының қазақ мәдениетіндегі көрінісі» тақырыбындағы ғылыми жобасына берілді.
Ғылыми жетекшісі – қазақ тілі мен әдебиеті пәні мұғалімі Молдажанова Назым Қанайбекқызы. Екінші орынды үш оқушы алды. Олар: Алматы қаласы №151 жалпы білім беретін мектептің 8-сынып оқушысы Қошқарбаев Еркебұлан, ғылыми жобасының тақырыбы: «Әл-Фараби мұрасының қазақ мәдениеті мен өнеріне ықпалы», жетекшісі: Есембек Эльмира Тұрсынқалиқызы. Екінші оқушы Алматы облысы, Жамбыл ауданы, Қарғалы ауылы Қ. Әбсәметов атындағы орта мектеп 11-сынып оқушысы – Толыбай Аяулым, тақырыбы: «Әл-Фараби философиясындағы адамгершілік пен этика мәселелері», ғылымы жетекші: Нурекеева Роза Абыллаевна. Үшінші: Талғат Аружан, Алматы қаласы Медеу ауданы №7 жалпы білім беретін мектептің 8 «Б» сынып оқушысы, тақырыбы: «Әл-Фараби философиясындағы логика», ғылымы жетекші: Мұхаметжан Сәуле Ахметжанқызы. Үшінші орынды Алматы телекоммуникация және машина жасау колледжінің 1 курс студенттері Рахмет Мағжан, жетекшісі: Таджикулова Рауза Абдикеримқызы, Мотан Жаннұр Нұрланұлы, жетекшісі: Абирова Шынар Абдиваисовна, Алматы автомеханика колледжінің 2 курс студенті Халыков Әли, жетекшісі: Жалелова Айжан Жалеловна иеленді.
Жоба жеңімпаздарын Дінтану және мәдениеттану кафедрасы меңгерушісінің орынбасары, филология ғылымдарының докторы, қауымдастырылған профессор Балтымова Мира Рашидқызы мен аталған кафедраның аға оқытушысы Мәрия Жұмақожақызы марапаттады.
