17 сәуірде Алматы құрылыс-техникалық колледжінің базасында Алматы қалалық білім басқармасының өкілдері, қаламыздың мемлекеттік колледждер директорлары және Қытай Халық Республикасының Халықаралық сауданы жәрдемдесу кеңесі (CCPIT) сауда, коммерциялық өнеркәсіпті дамыту комитетінің делегациясы арасында кездесу өтті
Кездесуге Алматы қаласы Білім басқармасы басшысының орынбасары Мұхтар Тәжібаев, техникалық және кәсіптік білім бөлімінің басшысы Ерік Әбішаев және Zhongqiao Kaida Technology Development Co. Ltd. (Пекин) бас директоры, Сюй Юнтин, CCPIT Өнеркәсіп пен білім интеграциясы орталығының шетелдегі жобалар бөлімінің басшысы Чен Гэн, Қытай Халық Республикасы Білім министрлігінің кеме жасау саласындағы кәсіптік-техникалық білім беру жөніндегі ұлттық оқу-әдістемелік кеңесінің сарапшысы Ся Хайбин, CITIT Integration and Integration Center of CCPIT Шетелдік жобалар және UIT Integration орталығы басшысының көмекшісі қатысты.
Кездесу барысында ынтымақтастықтың негізгі мәселелері талқыланды. Атап айтқанда, Алматы қаласы Білім басқармасы мен CCPIT арасындағы кәсіптік білім беру саласындағы ынтымақтастық, оның ішінде қаламыздағы колледждердің материалдық-техникалық және оқу-әдістемелік ресурстарының мазмұнын жаңарту арқылы инвестиция тартуға қатысты ұсыныс қаралды. Сондай-ақ білім алушылардың, ұстаздарымыздың академиялық ұтқырлығын және екі елдің бірыңғай білім беру бағдарламалары бойынша қос дипломдық білім беруді енгізу мәселесі талқыланды. Екі елдің халықаралық серіктестісігін дамытудың басқа да бірқатар мүмкіндіктері бойынша пікір алмасты.
