Қызғалдақтар симфониясы

Аққулы ауданында мектеп оқушылары арасында сәндік қызғалдақтар байқауы өткізілді. Іс-шара оқушылардың шығармашылық қабілеттерін дамыту, табиғатқа деген сүйіспеншілігін арттыру және эстетикалық талғамын қалыптастыру мақсатында ұйымдастырылды.

Байқауға ауданның әртүрлі мектептерінен келген оқушылар қатысты. Қатысушылар қағаз, мата, фоамиран және басқа да қолда бар материалдардан жасалған әсем әрі ерекше сәндік қызғалдақтарды ұсынды.

Байқау төрт номинация бойынша өткізілді: «Ең әдемі композиция», «Ең әдемі қызғалдақ», «Көктем әуені» және фотокөрме. Әрбір жұмыс ұқыптылығымен, шығармашылық қиялымен және ерекше безендірілуімен ерекшеленді.

Қазылар алқасы жұмыстарды идеяның жаңашылдығы, орындау сапасы, көркемдік безендірілуі және жалпы эстетикалық көрінісі бойынша бағалады. Оқушылар көктем гүлдерінің әсемдігін жеткізуге тырысып, нағыз «қызғалдақтар симфониясын» жасай білді.

Байқау қорытындысы бойынша үздік жұмыстар дипломдармен және алғыс хаттармен марапатталды.

Ұйымдастырушылар қатысушылардың дайындық деңгейінің жоғары екенін атап өтіп, оқушылар мен олардың ұстаздарына белсенді қатысқандары үшін алғыс білдірді. Байқау барлық қатысушыларға көтеріңкі көңіл күй сыйлап, көктемнің жарқын мерекесіне айналды.