Павлодар облыстық психологиялық қолдау орталығы өңірдің 100-ден астам білім беру ұйымына кеңес береді
Ағымдағы жылдың наурыз–сәуір айлары аралығында Өңірлік психологиялық қолдау орталығының мамандары Павлодар облысы бойынша білім беру ұйымдарына әдістемелік көмек көрсетуге бағытталған көшпелі іс-шаралар өткізуде.
Аталған бастама мектепке дейінгі ұйымдар, жалпы білім беретін мектептер мен колледждердегі педагог-психологтердің қызмет сапасын арттыруға бағытталған. Ерекше назар психологиялық қызметтердің жұмысын ұйымдастыру, білім алушыларды, ата-аналар қауымдастығын және педагогикалық ұжымдарды психологиялық-педагогикалық сүйемелдеу мәселелеріне аударылуда.
Ұйымдастырушылардың мәліметінше, көшпелі жұмыс форматы мамандарға нақты, мекенжайлық көмек көрсетуге ғана емес, сонымен қатар тәжірибе алмасуға, кәсіби тұрақтылықты арттыруға және білім беру жүйесінде психологиялық қолдау көрсетудің бірыңғай тәсілдерін қалыптастыруға мүмкіндік береді.
