Қазақтың дәмі ғарышта: павлодарлық оқушының ерекше жобасы

Павлодардағы дарынды балаларға арналған №8 мектеп-лицейдің 7 «В» сынып оқушысы Александрина Рубцова көпшілікті таңғалдырған ерекше жоба ұсынды. Оның «Космос на вкус: как создают еду для астронавтов» атты зерттеуі ғарышкерлердің тамағына деген көзқарасты мүлде өзгертеді.

Бұл жай ғана теория емес.
Александрина ғарыш тағамын дайындау технологиясын зерттеп қана қоймай, оны іс жүзінде тәжірибеден өткізді:
— сублимация
— вакуумды қаптау
— сақтау шарттары

Ал ең қызығы жас зерттеуші
«Қазақтың ұлттық тағамдары ғарышкерлер мәзіріне ене ала ма?» – деген сұраққа жауап іздеді.

Зерттеу барысында ол бәрімізге таныс құрт, қазы, дәстүрлі сүт және ет өнімдері зерттеді.

Нәтижесі таңғаларлық:
кейбір ұлттық тағамдар ғарышқа өте қолайлы болып шықты!
— жеңіл
— құнарлы
— ақуызға бай
— ұзақ сақталады

Яғни, болашақта халықаралық ғарыш станциясында
қазақтың дәмі де болуы әбден мүмкін!

Жоба жетекшісі — Сулейманова Анна Витальевна.
Оның айтуынша, бұл жұмыс мектептегі қолданбалы ғылымды дамытуға жасалған маңызды қадам.

Бұл жоба — жай ғана зерттеу емес.
Бұл — қиял мен ғылымның тоғысқан жері.
Бұл — болашаққа жасалған батыл қадам.

Бүгін — мектеп зертханасы, ертең — ғарыш станциясы болуы мүмкін.

Кім біледі, бәлкім, бір күні ғарышкерлер қазы мен құрттың дәмін ғарышта татып көрер…