Астанадан — әлемдік финалға: Павлодар облысының жас лицеистері STEM-олимпиадасын бағындыруда

11 сәуір күні Астана қаласында ғылым мен математика саласындағы ең үздік оқушыларды біріктірген беделді сингапурлық STEMCO Science олимпиадасының республикалық кезеңі өтті.

STEMCO Science — қатысушыларға STEM (ғылым, технология, инженерия және математика) бағыттары бойынша алған білімдерін тәжірибеде қолдануға мүмкіндік беретін халықаралық білім беру алаңы. Білім беру сапасы бойынша әлемдік көшбасшылардың бірі саналатын Сингапур бұл олимпиадада жоғары деңгейдегі тапсырмалар ұсынады. Олар өмірлік жағдайларға негізделіп, оқушылардың функционалдық сауаттылығын дамытуға бағытталған.

№8 лицей оқушылары жоғары дайындық деңгейін көрсетіп, жүлделі орындарға ие болды:
— Мұхамедияров Абулхаир, 5 «Б» сынып оқушысы
— Садри Давид, 6 «Б» сынып оқушысы

Екі оқушы да алтын медаль жеңіп алып, келесі кезеңге жолдама алды.

Алда — Сингапурда өтетін халықаралық финал. Қатысушылар өз білімдерін әлемдік деңгейде сынап, түрлі елдердің оқушыларымен тәжірибе алмасуға мүмкіндік алады.

Олимпиада үш кезеңнен тұрады: іріктеу (мектепішілік/онлайн), республикалық (офлайн) және халықаралық финал.

STEMCO олимпиадасы дарынды оқушыларды анықтауға және дамытуға, жаратылыстану ғылымдарына қызығушылықты арттыруға, өздігінен білім алу және цифрлық сауаттылық дағдыларын қалыптастыруға, сондай-ақ әлемнің жетекші университеттерінде білім алуға бағыт береді.

Жеңімпаздарды құттықтаймыз және халықаралық кезеңде сәттілік тілейміз.