Павлодар облысында жетім және ата-анасының қамқорлығынсыз қалған балаларға арналған ұйым педагогтерінің біліктілігін арттыру курстары басталды

Павлодар облысында жетім балалар мен ата-анасының қамқорлығынсыз қалған балаларға арналған білім беру ұйымдарының педагогтеріне арналған біліктілікті арттыру курстарының алғашқы легі басталды.

Оқыту Қазақстан Республикасы Оқу-ағарту министрлігі Балалардың құқықтарын қорғау комитетінің тапсырмасы аясында Екібастұз қаласында ұйымдастырылуда.

Бірінші легке «Үміт» балаларды қолдау орталығы мен «Жас Өркен» балалар-жасөспірімдер ұйымының педагогтері қатысуда.

Курс барысында білім беру ұйымдарында тәрбиеленіп жатқан балалармен жұмыс істеудің заманауи технологиялары мен тиімді педагогикалық тәсілдері қарастырылуда. Сондай-ақ қатысушылар SOS Қазақстан балалар ауылдарының тәжірибесін зерделеуде.

Оқыту сабақтарын «Өркен» балалардың әл-ауқатын арттыру жөніндегі ұлттық ғылыми-практикалық институтының сертификатталған тренерлері жүргізуде.

Бағдарламаның негізгі мақсаты — мамандардың кәсіби құзыреттілігін арттыру және балаларды қолдау жүйесін жетілдіру.