ПАВЛОДАР ОБЛЫСЫНДА ОБЛЫСТЫҚ ТАМЫЗ ПЕДАГОГТЕР КОНФЕРЕНЦИЯСЫ ӨТТІ

Дәстүрлі тамыз кеңесі — білім беру жүйесінің жаңа оқу жылындағы басым бағыттарын айқындап, өңірлік білім беруді одан әрі дамыту мәселелерін талқылауға арналған маңызды алаң болды.

Конференция Павлодар облысының әкімі Асайын Қуандықұлы Байхановтың төрағалығымен өтті. Жиынға Қазақстан Республикасының Оқу-ағарту министрі Жұлдыз Сүлейменова және Қазақстан Республикасының Ғылым және жоғары білім вице-министрі Гүлзат Көбенова қатысты.

Талқылаудың негізгі бағыттары — білім сапасы, адами капиталды дамыту, заманауи білім беру технологиялары мен жасанды интеллектіні қолдану, балалардың қауіпсіздігі және жауапкершілік мәдениетін қалыптастыру.

ҚР Оқу-ағарту министрі Павлодар облысының, оның ішінде ауыл мектептері оқушыларының жоғары жетістіктерін атап өтті. Сонымен қатар білім беру жүйесін одан әрі дамыту білім сапасына, балалардың қауіпсіздігін қамтамасыз етуге, буллингтің алдын алуға, кәмелетке толмағандардың құқықтарын қорғауға және оқушылардың құқықтық сауаттылығын арттыруға тұрақты назар аударуды талап етеді.

Конференцияның маңызды бөлігі цифрлық көрме болды. Онда облыстың білім беру ұйымдары заманауи техникалық шешімдер мен озық педагогикалық тәжірибелерін таныстырды. Бүгінде мұндай құралдар білім беру ортасының ажырамас бөлігіне айналып, мұғалімдер мен оқушылар үшін жаңа мүмкіндіктер ашуда.

Конференция соңында Павлодар облысының үздік педагогтерін марапаттау рәсімі өтті. Сапалы білім берудің және өңірдегі адами капиталды дамытудың негізінде ұстаздың кәсібилігі, үнемі ізденуге және жаңа тәсілдерді меңгеруге деген ұмтылысы тұр.