Бірлігі мен татулығы берік отбасы

Павлодар облысы Екібастұз қаласының №2 мектебінде білім алып жүрген бес баланың ата-анасы – Өмірбек Байдолда мен Меңдігүл Сүйенген. 18 жыл бірге өмір сүріп келе жатқан отбасы үшін береке мен татулықтың негізі – өзара сыйластық, жауапкершілік және адал еңбек.

Өмірбек «Восточный» кенішінде машинист болып еңбек етеді. Жауапкершілігі жоғары әрі күрделі жұмысты абыроймен атқарып жүрген ол – отбасының тірегі.

Ал Меңдігүл қалалық ауруханада мейірбике болып жұмыс істейді. Күн сайын науқастарға қамқорлық көрсетіп, адам денсаулығына қызмет етіп жүрген ол жұмысына да, отбасына да жауапкершілікпен қарайды.

Отбасында бес бала тәрбиеленіп өсіп келеді. Балалары жақсы оқып, білім мен өнерге қызығушылық танытып, мектеп өміріне белсенді араласады. Ата-ана үшін олардың әр жетістігі – үлкен қуаныш.

Өмірбек пен Меңдігүлдің отбасы – күнделікті еңбегі мен өзара қолдауы арқылы қалыптасқан қарапайым да берекелі шаңырақ. Бір-біріне сүйеніп, балаларына үлгі болып келе жатқан бұл отбасы үшін ең басты құндылық – отбасының бірлігі.