TOU-ДА ПАНАСЫЗ ЖАНУАРЛАРҒА АРНАЛҒАН ПАНАЖАЙҒА ҚОЛДАУ КӨРСЕТІЛДІ

Торайғыров университетінде «Толық адам: Жылы жүрек» тұжырымдамасы аясында, сондай-ақ Қазақстанда жарияланған Қайырымдылық апталығы шеңберінде «Сириус» қоғамдық қорының панасыз жануарларға арналған панажайына қолдау көрсетуге бағытталған қайырымдылық акциясы өтті.

Іс-шараны сәулет-құрылыс факультетінің жастар саясаты жөніндегі декан орынбасары Айлин Ахметова ұйымдастырды. Білім алушылармен бірге ол жануарларға қажетті жем-шөп пен күтімге арналған заттарды панажайға жеткізуді ұйымдастырды.

Акцияға қатысушылар материалдық көмек көрсетіп қана қоймай, жануарлармен уақыт өткізіп, олармен қарым-қатынас жасап, серуендеп, қамқорлық пен көңіл бөлді.

Мұндай бастамалар білім алушылардың мейірімділік, жауапкершілік және қолдауға мұқтаж жандарға қамқорлық жасау мәдениетін қалыптастыруға ықпал етеді.