Педагог мамандардың жалақысы 2 есе көбейеді – Президент
Nur Otan партиясының кезектен тыс XX Съезінде сөйлеген сөзінде Қазақстан Президенті Қасым-Жомарт Тоқаев педагог мамандығына деген сұранысты арттыру, білім сапасын арттыру мәселесі күн тәртібіне шығатынын, Назарбаев Университетінің тәжірибесі бойынша кемінде тағы 2 озық өңірлік оқу орны ашылатынын айтты.
– Педагог мамандарға сұранысты арттырып, білім сапасын жақсарту мақсатында олардың жалақысы 2 есе көбейеді. Жаһандық білім және инновациялық жүйеге енген заманауи зерттеу университеттері білім экономикасының негізін құрауға тиіс. Назарбаев Университетінің тәжірибесі бойынша тағы да кем дегенде 2 озық өңірлік оқу орны ашылады, – деді Президент.
