Елордадағы Қайым Мұхамедханов атындағы №90 мектеп-гимназиясында «Алаштың арда ұлдары» атты республикалық ғылыми-танымдық конференциясы өтті

Конференцияда алаш зиялыларының тарихи мұрасы көпшілікке таныстырылды.

Ұлт жанашырларының ізгі жолдары мен дана сөздері дәріптелді. Айтулы шараға сарапшылар, ғалымдар, ғылыми қызметкерлер, барлық деңгейдегі білім беру ұйымдарының басшылары мен педагогтері, әдіскерлер, тәрбиешілер қатысты.

Пленарлық жиында ҚР ҰҒА академигі, алаштанушы, ғалым Дихан Қамзабекұлы, «Егемен Қазақстан» РГ ЖШС Бас директоры Мақсат Алпысбек – Л.Н. Гумилев атындағы Еуразия ұлттық университетінің профессоры, тарих ғылымдарының докторы, ҚР ҒЖБМ ҒК Мемлекет тарихы институтының Тарих жəне қоғамдық ғылымдар Академиясының академигі алаштанушы ғалым, Ісмақова Айгүл Серікқызы, ҚР Ғылым жəне жоғары білім министрлігі, Тіл саясаты комитетінің төрағасы, ЕНУ профессоры, филология ғылымының кандидаты Ербол Ердембекұлы Тілешов, Қазақстан Жазушылар Одағының мүшесі, ақын, ізденуші Серік Сейітман т.б баяндама жасады.