Мектепке жол – мейірімнен басталады

Павлодар облысы, Аққулы ауданында жаңа оқу жылы қарсаңында «Мектепке жол» республикалық қайырымдылық акциясы аясында балаларға қолдау көрсетуге бағытталған игі бастама өз жалғасын табуда.

Акцияның басты мақсаты – әлеуметтік қолдауды қажет ететін отбасылардан шыққан балаларға көмек көрсетіп, олардың жаңа оқу жылын қажетті оқу құралдарымен, көтеріңкі көңіл күймен және үлкен сеніммен бастауына жағдай жасау.

Бұл бастама – қоғамдағы мейірімділік пен жанашырлықтың, өзара қолдау мен адамгершіліктің жарқын көрінісі. Жеке кәсіпкерлер мен меценаттардың қолдауының арқасында көптеген бала мектепке қажетті оқу құралдарымен қамтамасыз етіліп, жаңа оқу жылына дайындалуға мүмкіндік алды.

Айта кетерлігі, игі бастама аясында 286 балаға көмек көрсетілді.
3 093 000 теңге көлемінде қайырымдылық көмек көрсетіліп, балалардың білім алуға қажетті құралдармен қамтылуына қолдау жасалды.

Ал бұл игі іске 34-тен астам меценат пен қайырымды жан өз үлесін қосып, балалардың қуанышына ортақтасты.

Бұл көрсеткіштер – жай ғана сандар емес. Әрбір көмектің артында баланың қуанышы, жаңа оқу құралдарына деген қызығушылығы, мектепке деген ынтасы мен болашаққа деген сенімі тұр.

Бір балаға көрсетілген көмек – бір отбасыға жасалған қолдау. Ал осындай игі істердің көпшілік болып жүзеге асуы – қоғамымыздағы мейірімділік пен бірліктің айқын белгісі.

Балалардың жаңа оқу жылын қуанышпен бастауына үлес қосқан барша демеушілер мен меценаттарға шынайы алғысымызды білдіреміз.